సౌదీ: సౌదీ అరేబియాలో మరో మూడు వారాల్లో ఫార్ములా వన్ గ్రాండ్ ప్రిక్స్ సందడి చేయనుంది. జెడ్డా కార్నించ్ సర్క్యూట్ లో డిసెంబర్ 3 నుంచి 5వ తేదీల మధ్య జరిగే ఈ గ్రాండ్ ప్రిక్స్ కోసం దేశంలోని రేసింగ్ అభిమానులు ఆత్రూతగా ఎదురు చూస్తున్నారు. ప్రముఖ రేసర్, ఆర్బీ8 ఫార్ములా 1 కార్ ఎఫ్ 1 రెడ్ బుల్ డ్రైవర్, 2012 వరల్డ్ ఛాంపియన్ షిప్ విన్నర్ సెబాస్టియన్ వెటెల్ తోపాటు ప్రముఖ ఎఫ్ 1 రేసర్లు ఈ గ్రాండ్ ప్రిక్స్ లో సందడి చేయనున్నారు. తమ డ్రైవింగ్ విన్యాసాలతో సందర్శకులను ఆకట్టుకునేందుకు సన్నద్ధం అవుతున్నట్టు నిర్వాహకులు తెలిపారు.