భారత్: విద్యార్థుల్లో నాణ్యమైన విద్య, నైపుణ్యాలను పెంపొందించడానికి అనేక సంస్థలు కృషి చేస్తున్నాయి. ఇంటర్న్‌షిప్‌ ప్రోగ్రామ్​ల ద్వారా ఇండస్ట్రీ అవసరాలకు తగ్గట్లు విద్యార్థులను తీర్చిదిద్దుతున్నాయి. మెరుగైన శిక్షణతో మీ కెరీర్​ను ఉన్నతంగా మార్చుకునేందుకు సహాయపడుతున్నాయి. అయితే కోవిడ్​-19 మహమ్మారి తర్వాత ప్రపంచవ్యాప్తంగా విద్యావ్యవస్థలో మార్పులు వచ్చాయి. అలాగే వర్క్ ఫ్రమ్ హోమ్ విధానం వేగంగా విస్తరించింది. ఈ నేపథ్యంలో ఇంట్లోనే వర్క్​ ఫ్రమ్​ హోమ్​ విధానంలో పనిచేస్తూ ఇంటర్న్​షిప్​ చేసే అవకాశాలను పలు సంస్థలు కల్పిస్తున్నాయి. వీటి ద్వారా మీ ఉద్యోగ అవకాశాలు మెరుగవుతాయి. ఆయా ఇంటర్న్​షిప్​ల గురించి తెలుసుకుందాం.

టీమ్​ ఎవరెస్ట్​ 
భారతదేశంలో యువత నిర్వహించే అతిపెద్ద ఎన్​జీఓల్లో టీమ్​ ఎవరెస్ట్ ఒకటి. టీమ్ ఎవరెస్ట్​ సంస్థ 'డిజైన్ ఎ గేమ్' కోసం వర్క్​ ఫ్రమ్​ హోమ్​ ఇంటర్న్‌షిప్‌ ఆఫర్ చేస్తోంది. వర్చువల్ గేమింగ్​లో రిసెర్చ్​ చేయాలనుకునే వారికి ఈ ఇంటర్న్‌షిప్‌ సరిగ్గా సరిపోతుంది. ఆసక్తి గల వారు డిసెంబర్ 21లోపు ఇంటర్న్​షిప్​కు ఆన్​లైన్​ ద్వారా దరఖాస్తు చేసుకోవాలి. అయితే, ఇంటర్న్‌షిప్ వ్యవధి ఎటువంటి స్టైఫండ్ చెల్లించరు.

ఎర్త్5 ఆర్
ఇది ఒక పర్యావరణ సంస్థ. 'ఎన్విరాన్‌మెంట్ ఛాంపియన్' పోస్ట్ కోసం వర్క్ ఫ్రమ్ ఇంటర్న్‌షిప్‌ను అందిస్తోంది. ఇంటర్న్ ప్లాస్టిక్ వ్యర్థాల నిర్వహణపై ఈ ఇంటర్న్​షిప్ ఉంటుంది. అభ్యర్థులు వ్యర్థాల డేటాను విశ్లేషించి రీసెర్చ్​ చేయాల్సి ఉంటుంది. అంతేకాదు, 'ప్లాస్టిక్ కాలుష్యం, వ్యర్థాలను వేరుచేసే పద్ధతులతో వచ్చే హానికరమైన ప్రభావాల'పై పౌరులకు శిక్షణ ఇవ్వాల్సి ఉంటుంది. ఆసక్తి గల వారు డిసెంబర్ 14 లోపు దరఖాస్తు చేసుకోవాలి. ఈ ఇంటర్న్‌షిప్​లో ఎలాంటి స్టైఫండ్ చెల్లించరు.

టీచ్ ఫర్ ఇండియా
ఇది టీచ్-ఫర్ ఆల్ నెట్‌వర్క్​కు సంబంధించింది. ఈ ఇంటర్న్​షిప్​ మూడు నెలల వ్యవధి ఉంటుంది. ఒక చిన్న గ్రూప్​ విద్యార్థులను పర్యవేక్షించడానికి 'స్టూడెంట్​ మెంటరింగ్' మెంటరింగ్​ ఇంటర్న్​షిప్​ను అందిస్తోంది. డిసెంబర్ 6లోపు ఈ వర్క్​ ఫ్రమ్​ హోమ్​ ఇంటర్న్‌షిప్​కు దరఖాస్తు చేసుకోవాలి. కాగా, ఈ వ్యవధిలో ఎటువంటి స్టైఫండ్​ చెల్లించరు.

స్పోర్ట్స్​ కీడా
ప్రపంచవ్యాప్తంగా ఉన్న అభిమానులు, క్రీడాకారులను కలిపే ఏకైక వేదిక స్పోర్ట్స్​ కీడా. సెర్చ్​ ఇంజిన్​ ఆప్టిమైజేషన్ (ఎస్​ఈఓ) ద్వారా వర్క్​ ఫ్రమ్​ హోమ్​ ఇంటర్న్‌షిప్ అవకాశాన్ని అందిస్తోంది. అభ్యర్థులు ఎస్​ఈఓ బృందానికి సహాయం చేయాల్సి ఉంటుంది. ఈ ఇంటర్న్‌షిప్ వ్యవధి మొత్తం ఆరు నెలలు. అభ్యర్థులు డిసెంబర్ 17 లోపు దరఖాస్తు చేసుకోవాల్సి ఉంటుంది. ఈ వ్యవధిలో అభ్యర్థికి నెలకు రూ.10,000 స్టైఫండ్ చెల్లిస్తారు.

గ్రేడ్​ అప్​, గ్రేడ్​ స్టాక్​ లెర్నింగ్​ ప్రైవేట్​ లిమిటెడ్​
ఈ సంస్థ కంటెంట్​ డెవలప్​మెంట్​ ఇంటర్న్​షిప్​ను ఆఫర్​ చేస్తోంది. అభ్యర్థి యూజీసీ నెట్​(కంప్యూటర్ అప్లికేషన్ పేపర్ 2) కోసం తాజా ప్రశ్నలను ప్రిపేర్ చేయాల్సి ఉంటుంది. గత NET, SET పేపర్లను కూడా పరిష్కరించాల్సి ఉంటుంది. డిసెంబరు 16లోపు దరఖాస్తు చేసుకోవాలి. అభ్యర్థికి నెలకు రూ. 1000 నుంచి 4000 స్టైఫండ్ చెల్లిస్తారు.