కువైట్: అక్రమ కార్యకలాపాలతో లింకులున్న బ్యాంక్ అకౌంట్లను మూసివేయడంపై మినిస్ట్రీ ఆఫ్ ఇంటీరియర్, బ్యాంకుల అధికారులతో చర్చలు జరుపుతోంది. చట్టాల్ని ఉల్లంఘించి ఎలాంటి లావాదేవీలు జరగకుండా, దేశ బహిష్కరణకు గురైనవారి బ్యాంకు అకౌంట్లను తక్షణం బ్లాక్ చేయాల్సిందిగా బ్యాంకుల్ని మినిస్ట్రీ ఆఫ్ ఇంటీరియర్ కోరింది. అయితే, అది అంత తేలికైన వ్యవహారం కాదని బ్యాంకు వర్గాలు అంటున్నాయి. క్రెడిట్ ఇన్‌స్టాల్‌మెంట్స్ వున్నప్పుడు అక్కౌంట్లను మూసివేయడం అనేది కష్టతరమైన ప్రక్రియ అని బ్యాంకు అధికారులు పేర్కొన్నారు. తగిన సమయం ఇలాంటి అక్కౌంట్ల మూసివేతకు అవసరమని వారు అంటున్నారు.