న్యూ ఢిల్లీ: భారత్‌లో క‌రోనా కేసులు రోజు రోజుకు తగ్గుతూ వస్తున్నాయి. తాజాగా కేంద్ర ఆరోగ్యశాఖ క‌రోనా బులిటెన్‌ను రిలీజ్ చేసింది. ఈ బులిటెన్ ప్రకారం గ‌డిచిన 24 గంట‌ల్లో భారత్‌లో కొత్తగా 7,579 కేసులు న‌మోద‌య్యాయి. దీంతో దేశంలో ఇప్పటి వ‌ర‌కు న‌మోదైన మొత్తం క‌రోనా కేసుల సంఖ్య 3,45,26,480 కి చేరింది.

ఇక ఇందులో 3,39,46,749 మంది కోలుకొని డిశ్చార్జ్ కాగా, 1,13,584 కేసులు యాక్టీవ్‌ గా ఉన్నాయి. ఇక గ‌డిచిన 24 గంట‌ల్లో క‌రోనాతో 236 మంది మృతి చెందారు. దీంతో భారత్‌లో ఇప్పటి వ‌ర‌కు క‌రోనాతో 4,66,147 మంది మృతి చెందిన‌ట్టు గ‌ణాంకాలు చెబుతున్నాయి. 24 గంటల్లో భారత్‌లో 12202 మంది క‌రోనా నుంచి కోలుకోగా, 1,17,63,73,499 మంది టీకాలు తీసుకున్నారు అని కేంద్ర సర్కార్ తెలిపింది.