బహ్రెయిన్: ఇంటర్నేషనల్ సెక్స్ రాకెట్ ముఠా గుట్టును బహ్రెయిన్ పోలీసులు ఛేదించారు. ఈ కేసులో ముగ్గురిని అదుపులోకి తీసుకున్నారు. విచారణ సందర్భంగా వారు పలు సంచలన విషయాలను చెప్పినట్టు పోలీసులు తెలిపారు. BD130 చొప్పున ముగ్గురు మహిళలను కొనుగోలు చేసి వ్యభిచారంలోకి దింపినట్టు సదరు నిందితులు అంగీకరించారు. గత పదేండ్లుగా వారు ఇదే దందాను చేస్తున్నట్లు విచారణలో నిందితులు చెప్పారని పోలీసులు చెప్పారు. ఈ నిందితుల్లో  ఇంటర్నేషనల్  మోస్ట్ వాంటెండ్ మహిళ కూడా ఉందని, ఆమె కోసం గతంలో థాయిలాండ్ ప్రభుత్వం ఇంటర్ పోల్ అరెస్ట్ వారెంట్ జారీ చేసిందని పోలీసులు తెలిపారు. బహ్రెయిన్ పోలీసులు వారందరిపై హ్యూమన్ ట్రాఫికింగ్ కేసుల కింద అభియోగాలు మోపారు. వారందరికి కోర్టు జైలు శిక్ష విధించింది.