సౌదీ అరేబియా: మక్కా - బ్లాక్ స్టోన్‌ (అల్-హజర్ అల్-అస్వాద్)ను కిస్ చేసేందుకు అనుమతి లేదని హజ్ మినిస్ట్రీ స్పష్టం చేసింది.దీని కోసం ఎలాంటి అపాయింట్‌మెంట్లు ఇవ్వడం లేదని, ఇందు కోసం ఈట్‌మర్నా అప్లికేషన్‌లో ఎటువంటి సర్వీసును యాడ్ చేయలేదని హజ్, ఉమ్రా మంత్రిత్వ శాఖ ప్రకటించింది. బ్లాక్ స్టోన్ ని కిస్ చేసేందుకు అనుమతించే అంశం రెండు పవిత్ర మసీదుల వ్యవహారాల జనరల్ ప్రెసిడెన్సీ నిబంధనలకు లోబడి ఉంటుందని మంత్రిత్వ శాఖ స్పష్టం చేసింది. పవిత్ర కాబా లోపలికి ప్రవేశించడానికి కూడా అనుమతి ఉండదని ఈ సందర్భంగా మినిస్ట్రీ వర్గాలు స్పష్టం చేశాయి. బ్లాక్ స్టోన్ కు ముద్దు పెట్టడం,యెమెన్ కార్నర్ ను తాకడం (అల్-రుక్న్ అల్-యమానీ), హిజ్ర్ ఇస్మాయిల్ వద్ద ప్రార్థన చేయడం కోసం అపాయింట్‌మెంట్ బుక్ చేసుకోవడానికి ఈట్‌మార్నా, తవక్కల్నా అప్లికేషన్‌లలో స్లాట్ బుక్ చేసుకోవాలని ఇంతకుముందు మంత్రిత్వ శాఖ ప్రకటించిన విషయం తెలిసిందే.