కువైట్: క్రిస్మస్, న్యూ ఇయర్ వేడుకల సందర్భంగా ఒమిక్రాన్ వ్యాప్తిని ఎదుర్కొనేందుకు అంతర్గత మంత్రిత్వ శాఖ చర్చి అధికారులతో కలిసి భక్తులకు హెల్త్ ప్రోటోకాల్ టైమింగ్ స్లాట్స్ సెట్ చేశారు. 7 చర్చిల్లో పండుగలు, న్యూ ఇయర్ వేడుకల సందర్భంగా రద్దీ ఏర్పడకుండా ఎంట్రన్స్, ఎగ్జిట్ టైమింగ్ లను వేర్వేరుగా ఉండేలా చర్యలు తీసుకున్నారు. ప్రతి చర్చిలో 50 శాతం సామర్థ్యంతో భక్తులు హాజరు కావాలని అధికారులు సూచించారు.చర్చిల్లో భద్రతా చర్యలు తీసుకున్నారు. అనధికార వ్యక్తులను చర్చిల్లోకి అనుమతి లేదని అధికారులు స్పష్టం చేశారు. చర్చిలకు హాజరయ్యే వారు మాస్కులు పెట్టుకోవాలని, కొవిడ్ నిబంధనలు పాటించాలని హెల్త్ మినిస్ట్రీ సూచించింది.