ఇల్లు లేని ఓ అనాధ చాలాకాలంగా మనామా ప్రాంతంలో ఓ రోడ్డుపై నివసిస్తున్నాడు. తీవ్ర అనారోగ్యంతో బాధపడుతున్నప్పటికీ, అక్కడి నుంచి అతను వేరే చోటికి వెళ్ళేందుకు అయిష్టత ప్రదర్శిస్తున్నాడు. కొందరు అతన్ని చూసి, అతనికి సహాయం అందించేందుకు ప్రయత్నిస్తున్నారు. డయాబెటిస్‌తో బాధపడ్తున్న ఈ వృద్ధుడు, ఇక్కడే తనకు సంతోషంగా ఉందని చెప్పాడు. అయితే పబ్లిక్‌ షెల్టర్‌ నిర్వాహకులు, అతన్ని అక్కడి నుంచి తరలించేందుకు పోలీసులను ఆశ్రయించారు. ఎట్టి పరిస్థితుల్లోనూ రోడ్లపై నిరాశ్రయులు ఉండటానికి వీల్లేదని, వారికి తగిన సౌకర్యాలు అందించడమే తమ లక్ష్యమని పబ్లిక్‌ షెల్టర్‌ నిర్వాహకులు తెలిపారు. కొందరు సాధారణ పౌరులు, మీడియా సంస్థలకు చెందిన సిబ్బంది అతని దుస్థితిని ప్రభుత్వం దృష్టికి, పబ్లిక్‌ షెల్టర్‌ దృష్టికి తీసుకువెళ్ళారు.