మై నెంబర్‌ మై ఐడెంటిటీ ప్రోగ్రామ్‌లో భాగంగా టెలికాం కంపెనీలు వినియోగదారులకు మెరుగైన సేవలందించేందుకోసం పలు ప్రాంతాల్లో తగిన ఏర్పాట్లు చేస్తున్నాయి. ప్రధానంగా మనీ ఎక్స్‌ఛేంజ్‌ ఔట్‌లెట్స్‌, కన్వీనియెంట్‌ స్టోర్స్‌ మరియు షాపింగ్‌ మాల్స్‌ తదితర ప్రాంతాల్లో ఈ సర్వీసుల్ని అందుబాటులోకి తెస్తున్నాయి. ఇక్కడ వినియోగదారులు రి-రిజిస్ట్రేషన్‌ చేసుకోవడానికి వీలుంది. డు కంపెనీ వినియోగదారుల కోసం కియోస్క్‌లను ఇనోక్‌/ఎప్‌కో స్షేన్స్‌లో ఏర్పాటు చేసింది. వీటి నుంచి ఎమిరేట్స్‌ ఐడి లేదా పాస్‌పోర్ట్‌ విత్‌ వీసా పేజ్‌తో డు రి-రిజిస్ట్రేషన్‌ చేసుకోవచ్చని డు అధికారులు వెల్లడించారు. పలు ఔట్‌లెట్స్‌లో డు రి-రిజిస్ట్రేషన్‌ సౌకర్యాల్ని కల్పించామనీ, సిబ్బంది వైట్‌ మరియు బ్లూ యూనిఫామ్‌లో వుండి, వినియోగదారులకు అన్ని విధాలా సహకరిస్తారని డు వర్గాలు వెల్లడించాయి. కియోస్క్‌ల ద్వారా ప్రతిరోజూ 25 నుంచి 50 మంది వరకు రీ-రిజిస్ట్రేషన్‌ చేయించుకుంటున్నారనీ, ఎక్కువమంది రిటైల్‌ ఔట్‌లెట్స్‌ని సంప్రదిస్తున్నారని వారు చెప్పారు.