ఖతార్: జాతీయ దినోత్సవ వేడుకల సందర్భంగా రోడ్డు పక్కన నడుచుకుంటూ వెళుతున్న ఓ కుటుంబంపై కాన్ఫెట్‌ స్ప్రే చేసిన యువకులను అంతర్గత వ్యవహారాల మంత్రిత్వ శాఖ(MoI) అరెస్టు చేసింది. దీనికి సంబంధించిన వీడియో ఇటీవల సోషల్ మీడియాలో వైరల్ అయిన విషయం తెలిసిందే. వీడియోలో హల్ చల్ చేసిన 12-15 సంవత్సరాల మధ్య వయస్సు గల నిందితులను పట్టుకున్నామని, వారి వయస్సు కారణంగా వారి పేర్లను వెల్లడించేందుకు వీల్లేందని మంత్రిత్వ శాఖ తెలిపింది. వారిపై చట్టపరమైన చర్యలు తీసుకోనున్నట్లు మంత్రిత్వ శాఖ వరుస ట్వీట్లలో పేర్కొంది. శాంతిభద్రతలకు విఘాతం కల్గించే ఇలాంటి చర్యలు పునరావృతం కాకుండా అవసరమైన చర్యలు తీసుకుంటామని MoI ప్రజలకు హామీ ఇచ్చింది.