జిసిసి వలసదారులు యూఏఈలోకి ప్రవేశించలంటే ఆన్‌లైన్‌ ఇ-వవీసా తప్పనిసరి. మార్చ్‌ 29 నుంచి ఈ నిబంధన అమల్లోకి రానుంది. ఈ మేరకు ప్రయాణీకులకు, ట్రావెల్‌ ఏజెంట్లకు యూఈఏ ఇమ్మిగ్రేషన్‌ అధికారులు స్పష్టమైన సమాచారం పంపించారు. కొన్ని వర్గాలకు చెందిన జీసీసీ వలసదారులకు వీసా ఆన్‌ ఎరైవల్‌ సౌకర్యం కల్పిస్తూ నిర్ణయం తీసుకున్నారు. అయితే తాజా నిబంధన ప్రకారం ఆన్‌లైన్‌లో ఈ-వీసాను ముందే పొందాల్సి ఉంటుందని ఇమ్మిగ్రేషన్‌ స్పష్టం చేసింది. పలు ఎయిర్‌లైన్స్‌ సంస్థలు ఈ విషయాన్ని ధృవీకరించాయి. మస్కట్‌లోని ఎయిర్‌ అరేబియా అధికారులు మాత్రం ఈ విషయమై తమకు సమాచారం లేదన్నారు. తాజా నిబంధనల ప్రకారం యూఏఈ వీసా పొందే జిసిసి నివాసితుడికి ఎంట్రీ పర్మిట్‌ 30 రోజుల వరకు ఉంటుంది, ఎంట్రీ అయ్యాక 30 రోజులపాటు ఇది చెల్లుబాటు అవుతుంది. దీన్ని 60 రోజుల వరకు పెంచుకోవచ్చు.