రోగిని ఆసుపత్రికి తరలిస్తున్న ఓ ఎయిర్‌ అంబులెన్స్‌ ప్రమాదవశాత్తు కుప్పకూలింది. ఇరాన్‌లోని ఫార్స్‌ ప్రావిన్స్‌లో చోటు చేసుకున్న ఈ ఘటనలో అంబులెన్స్‌లోని వారంతా మృతిచెందారు. స్థానిక మీడియా తెలిపిన వివరాల ప్రకారం..ఇరాన్‌లోని ఓ మారుమూల గ్రామం నుంచి రోగిని షిరాజ్‌ నగరంలోని ఆసుపత్రికి తరలిస్తుండగా.. ఈ ప్రమాదం చోటుచేసుకుంది.ఎయిర్‌ అంబులెన్స్‌లో రోగితో సహా, నలుగురు వైద్యులు, సిబ్బంది ఉన్నట్లు తెలుస్తోంది. అయితే ప్రమాదంలో 10 మంది మృతి చెందినట్లు ఇరాన్‌ అధికారిక మీడియా వెల్లడించింది. గత కొంతకాలంగా ఈ ప్రాంతంలో భారీ వర్షాలు కురుస్తున్నాయి.వాతావరణం అనుకూలించకపోవడం వల్లే ప్రమాదం జరిగిందని అధికారులు భావిస్తున్నారు.