మనదేశపు జెండా
- January 26, 2022అదిగో అదిగో ఎగురుతుంది మన జెండా
మువ్వన్నెల ముచ్చటైన శాంతికపోతం మన జెండా
దేశసమైక్యత సమగ్రత సామరస్యంతో మన జెండా
ధన మాన ప్రాణాలని పణంగా పెట్టి పోరాటం చేసిన
ఎందరో మహనీయుల త్యాగఫలం మన జెండా
స్వేచ్ఛ సమానత్వం సౌభ్రాతృత్వం ఆత్మగౌరవాన్ని
కాపాడుతూ పౌరులందరికి హక్కులు కలిపించిన
భరతమాతని దాస్య శృంఖలాల నుంచి విడిపించిన
ఆంగ్లేయులని తరిమికొట్టిన భారతీయత మన జెండా
సర్వసత్తాక సార్వభౌమ రాజ్యంగమే మన గణతంత్ర దినోత్సవం అమలు చేసిన సుదినం చరిత్రలో నిలిచిపోయే
వీరనారీమణులు మహత్ములు నడయాడిన వేదభూమి
సాహసబాలలని ప్రతిభని గుర్తించి ప్రశంసల జల్లులు
కురిపించి వివిధ విభాగాల్లో విద్య వాణిజ్యం సాహిత్యం సంగీతం ఆధ్యాత్మిక వేత్తలని అత్యంత గౌరవపూర్వకంగా సన్మానించే సుదినం ఈరోజు అందంగా ముస్తాబై రెపరెపలాడుతూ చిరునవ్వులు చిందించే మనజెండా
ఆశయసాధనలో ముందు తరాలకి ఆదర్శంగా నిలబడి
ప్రతి పౌరుడిలో దేశభక్తిని చాటి చెపుతూ నరనరాల్లో
యువత గుండెల్లో ఉప్పొంగే రక్తంతో దేశ ప్రగతికి
పాటుపడుతూ కులమత వర్గవైషమ్యాలు విడనాడి
భాషలు వేరైనా జాతులు వేరైనా మనమంతా ఒకటేనని
ఒకరికి ఒకరు అనే మైత్రీ భావం చాటిన మన జెండా
నవసమాజ నిర్మాణంలో ప్రపంచ దేశాలన్నిటిలో
అతిపెద్దది పవిత్రమైన సుదీర్ఘమైన గ్రంధం లిఖిత పూర్వక రాజ్యంగం అందించిన మహనీయులని స్మరించుకుందాం.
జేజేలు పలుకుతూ వందేమాతరం వందేమాతరం అనే నినాదం తో గళం గళం కలిపి ఎలుగెత్తి పాడుదాం...
--యామిని కొళ్లూరు(అబుధాబి)
తాజా వార్తలు
- ఢిల్లీ ముఖ్యమంత్రి కేజ్రీవాల్కు బెయిల్
- పోలింగ్ రోజు భారీ వర్ష సూచన..అభ్యర్థుల్లో టెన్షన్ టెన్షన్
- భారత యాత్రికులను స్వాగతించిన సౌదీ మంత్రి
- కారు మరమ్మతుల కోసం 2 నెలల నిరీక్షణ..!
- నకిలీ వస్తువుల విక్రయం కేసు.. వ్యాపారి నిర్దోషి
- బిగ్ టికెట్ రాఫిల్.. తదుపరి డ్రా జూన్ 3న
- నకిలీ వెబ్సైట్ల గురించి PACI హెచ్చరిక
- ఇండియాలో చిక్కుకుపోయిన ఒమన్ వాసులు..!
- రాష్ట్రపతి చేతుల మీదుగా పద్మవిభూషణ్ పురస్కారం అందుకున్న మెగాస్టార్ చిరంజీవి
- ఎయిరిండియా సిబ్బంది మూకుమ్మడిగా సెలవు..