మస్కట్: మస్కట్ గవర్నరేట్‌లో డ్రగ్స్‌ స్మగ్లింగ్‌కు యత్నించిన ఇద్దరిని రాయల్ ఒమన్ పోలీసులు(ఆర్‌ఓపి)  అరెస్టు చేశారు. వారి వద్ద నుంచి 100 కిలోలకు పైగా హషీష్ డ్రగ్‌ను స్వాధీనం చేసుకున్నారు. డైరెక్టరేట్ జనరల్ ఫర్ కంబాటింగ్ డ్రగ్స్ అండ్ సైకోట్రోపిక్ సబ్‌స్టాన్సెస్, స్పెషల్ టాస్క్ ఫోర్స్ పోలీసుల సహకారంతో ఈ ఆపరేషన్ చేపట్టారు. సముద్రం ద్వారా అంతర్జాతీయ ముఠాతో కలిసి మాదక ద్రవ్యాలను అక్రమ రవాణా చేస్తున్న ఇద్దరు ప్రవాసులను అరెస్టు చేశారు. మస్కట్ గవర్నరేట్‌లోని బీచ్ వద్ద నిందితుల నుంచి 100 కిలోలకు పైగా హషీష్‌ను స్వాధీనం చేసుకున్నారు.