సౌదీ: సౌదీ అరేబియాలో ఫిబ్రవరి 9 నుండి కొత్త ప్రయాణ ఆంక్షలు అమల్లోకి రానున్నాయి. కొత్త నిబంధనల ప్రకారం.. సౌదీ పౌరులందరూ ఫిబ్రవరి 9 (రాజ్‌బ్ 8) నుండి వేరే దేశాలకు వెళ్లాలంటే కరోనావైరస్ వ్యాక్సిన్ బూస్టర్ డోస్ తీసుకొని ఉండాలి. అయితే 6 సంవత్సరాల కంటే తక్కువ వయస్సు ఉన్న పిల్లలు, తవక్కల్నా యాప్ కవర్ చేసిన నిబంధనల క్రింద మినహాయించబడిన ఇతరులకు దీనినుండి మినహాయింపునిచ్చారు. ప్రయాణానికి 48 గంటల ముందు నెగిటివ్ పీసీఆర్ సర్టిఫికేట్ ను సమర్పించాలి. ఎనిమిది సంవత్సరాల కంటే తక్కువ వయస్సు ఉన్న పిల్లలకు మినహాయింపునిచ్చారు. కరోనా పాజిటివ్ గా తేలి, వ్యాక్సిన్ పొందిన సౌదీ సిటిజన్స్.. దేశంలోకి వచ్చేందుకు ఏడు రోజుల పాటు దేశం బయట ఉండవలసి ఉంటుంది. అదే సమయంలో పూర్తి వ్యాక్సిన్ డోసులు తీసుకోని వారు మాత్రం 10 రోజులపాటు వేచి ఉండాలి.