బహ్రెయిన్: ప్రతిభను, పెట్టుబడులను ఆకర్షించడానికి కొత్త శాశ్వత రెసిడెంట్ వీసాను బహ్రెయిన్ ప్రవేశపెట్టింది. గల్ఫ్ దేశాలలో మరింత సౌకర్యవంతమైన.. ఎక్కువ కాల వ్యవధి గల వీసా 'గోల్డెన్' పర్మినెంట్ రెసిడెంట్ వీసాలను అంతర్గత మంత్రిత్వ శాఖ తీసుకొచ్చింది. దీంతో బహ్రెయిన్‌లో పని చేసే హక్కు, అన్ లిమిటెడ్ ఎంట్రీ, ఎగ్జిట్ లతోపాటు సన్నిహిత కుటుంబ సభ్యులు నివాసం ఉండేందుకు అవకాశం లభిస్తది. గోల్డెన్ వీసాకు బహ్రెయిన్‌లో కనీసం ఐదు సంవత్సరాలు నివసించి ఉండాలి, నెలకు కనీసం BHD 2,000 సగటు జీతం పొందాలి. అలాగే నిర్దిష్ట విలువ కంటే ఎక్కువ ఆస్తులను కలిగి ఉన్నవారు, రిటైర్ మెంట్ పొందినవారు, నిర్దిష్ట ప్రమాణాలకు అనుగుణంగా "అత్యంత ప్రతిభావంతులైన" వ్యక్తులు కూడా గోల్డెన్ వీసాలు పొందవచ్చు.