హైదరాబాద్: తెలంగాణలో కరోనా వైరస్ తగ్గుముఖం పడుతోంది.గతంలో వేల సంఖ్యలో నమోదైన కేసులు ప్రస్తుతం వందల్లో నమోదవుతున్నాయి.దేశ వ్యాప్తంగా కూడా పాజిటివ్ కేసులు గణనీయంగా తగ్గుతున్నాయి.మరణాల సంఖ్య కూడా తక్కువగా నమోదవుతుండడంతో ప్రజలు ఊపిరిపీల్చుకుంటున్నారు.తాజాగా తెలంగాణలో గత 24 గంటల్లో 512 కేసులు నమోదయ్యాయని, ఒక్కరు మృతి చెందారని ప్రభుత్వం విడుదల చేసిన హెల్త్ బులెటిన్ లో వెల్లడించింది.మొత్తం 4 వేల 108 మంది చనిపోయారు.జీహెచ్ఎంసీ పరిధిలో 125 కొత్తగా కరోనా కేసులు నమోదయ్యాయి.24 గంటల్లో 1, 217 మంది కోలుకున్నారు. ఆసుపత్రి నుంచి డిశ్చార్జ్ అయిన వారి సంఖ్య 7 లక్షల 73 వేల 362గా ఉంది.