యూఏఈ: 8,500 ఏళ్ల నాటి భవనాలను పురాతత్వ శాస్త్రవేత్తలు కనుగొన్నారు. అబుదాబిలోని పురావస్తు శాస్త్రవేత్తలు ఎమిరేట్స్ లో 8,500 సంవత్సరాల కంటే ముందునాటి భవనాలను గుర్తించారు. వాటి నిర్మాణాలను చూసి శాస్త్రవేత్తలు ఆశ్చర్యపోయారు. అబుదాబికి పశ్చిమాన ఉన్న ఘఘా ద్వీపంలో వీటిని కనుగొన్నారు.  పురావస్తు శాస్త్రవేత్తలు గుర్తించిన పురాతన నిర్మాణాల్లో సాధారణ రౌండ్ గదులు ఉన్నాయి. ఈ గదుల గోడలను రాళ్లతో నిర్మించారు. ఇవి దాదాపు ఒక మీటర్ ఎత్తు వరకు ఉన్నాయని శాస్త్రవేత్తలు తెలిపారు.