యూఏఈ: బహిరంగ ప్రదేశాల్లో ఫేస్ మాస్కులు పెట్టుకోవడం తప్పనిసరి కాదని నేషనల్ అథారిటీ ఫర్ ఎమర్జెన్సీ, క్రైసిస్ అండ్ డిజాస్టర్ మేనేజ్‌మెంట్ (NCEMA) ప్రకటించింది. ఆర్థిక, పర్యాటక ప్రదేశాలలో సామాజిక దూర నిబంధనలను కూడా రద్దు చేశారు. అయితే, క్లోజ్డ్ ఏరియాలో ఫేస్ మాస్కులు తప్పనిసరి. కొత్త నిబంధనలు ఫిబ్రవరి 26 నుండి అమలులోకి వస్తాయని NCEMA తెలిపింది. కోవిడ్-19 రోగుల సన్నిహిత కాంటాక్ట్ లు కూడా క్వారంటైన్‌లో ఉండాల్సిన అవసరం లేదు. దానికి బదులుగా  వారు ఐదు రోజుల వ్యవధిలో రెండు PCR పరీక్షలు చేయించుకోవాలని  NCEMA  పేర్కొంది. వ్యాధి సోకిన వ్యక్తుల కోసం ఐసోలేషన్ ప్రోటోకాల్‌లు గతంలో ప్రకటించిన విధంగానే కొనసాగుతాయి. చాలా ఎమిరేట్స్ లో, కోవిడ్-19 పాజిటివ్ అని తేలిన వ్యక్తులు సాధారణంగా కనీసం పది రోజులపాటు ఐసోలేషన్‌లో ఉండాల్సి ఉంటుంది.