కువైట్: ఫిబ్రవరి 27 నుండి మార్చి 3 వరకు దేశ జాతీయ దినోత్సవం, స్వాతంత్ర్య దినోత్సవ వేడుకల సందర్భంగా వ్యాక్సినేషన్ కోసం కొత్త టైమింగ్ అమల్లోకి రానుంది. కరోనావైరస్ వ్యాక్సినేషన్ కేంద్రాలలో కొత్త షెడ్యూల్‌ లను కువైట్ ఆరోగ్య మంత్రిత్వ శాఖ ఆవిష్కరించింది. మిష్రెఫ్ ఫెయిర్‌గ్రౌండ్‌లోని కువైట్ వ్యాక్సినేషన్ సెంటర్ 40 ఆపై వయస్సు ఉన్న వ్యక్తుల కోసం ఉదయం 9:00 నుండి మధ్యాహ్నం 2:00 వరకు ముందస్తు అపాయింట్‌మెంట్ అవసరం లేకుండా వ్యాక్సిన్ పొందొచ్చని డాక్టర్ అబ్దుల్లా అల్-సనాద్ చెప్పారు. అలాగే ప్రాథమిక ఆరోగ్య సంరక్షణ కేంద్రాలు అల్-షెబ్, సల్వా, ఒమారియా, మసాయెల్, అల్-నాయిమ్ సెంటర్లు మధ్యాహ్నం 3:00 నుండి రాత్రి 9:00 గంటల మధ్య తెరిచి ఉంటాయని ఆయన స్పష్టం చేశారు.