బహ్రెయిన్: ఫోర్జరీ కేసులో ఐదేళ్ళ జైలు శిక్షకు గురైన వ్యక్తికి సంబంధించిన కేసులో ట్విస్ట్ చోటు చేసుకుంది. కస్సాషన్ కోర్టు నిందితుడిపై అభియోగాలకు సంబంధించి ఊరటనిచ్చింది. కేసు వివరాల్లోకి వెళితే 22,000 బహ్రెయినీ దినార్లను నిందితుడు తమ్కీన్ నుంచి మోసానికి పాల్పడినట్లుగా ఆరోపణలు వచ్చాయి. కాంట్రాక్టుల్ని ఫేక్ చేసి నేషనల్ ఎంప్లాయిమెంట్ స్కీమ్ ద్వారా నిందితుడు లబ్ది పొందినట్లు అభియోగాలు మోపబడ్డాయి. ఈ మేరకు అధికారిక బృందం తనిఖీలు నిర్వహించగా, కేవలం ముగ్గురు ఆసియా జాతీయులు మాత్రమే సదరు భవనంలో పనిచేస్తున్నట్లు తేలింది. కాగా, కస్సాషన్ కోర్టు ఈ కేసుని హై అప్పీల్ కోర్టుకి పునర్విచారణ నిమిత్తం పంపడం జరిగింది.