కువైట్: మినిస్ట్రీ ఆఫ్ ఎడ్యుకేషన్ అండర్ సెక్రెటరీ డాక్టర్ అలీ అల్ యాకౌబ్, 2021-22 విద్యా సంవత్సరానికి సంబంధించి రెండో సెమిస్టర్ సవరించిన తేదీలను ఆమోదించారు. సవరించిన తేదీల ప్రకారం చూస్తే మే 29న ప్రారంభమై జూన్ 6న ఇంటర్మీడియట్ స్టేజ్ పరీక్షలు ముగుస్తాయి. పది అలాగే పదకొండు గ్రేడ్స్ పరీక్షలు మే 29 నుంచి జూన్ 9 వరకు జరుగుతాయి. 12వ గ్రేడ్ విషయానికొస్తే ఫైనల్ ఎగ్జామ్స్ జూన్ 12 నుంచి జూన్ 23 వరకు జరుగుతాయి. ఫలితాలు జూన్ 26న వెల్లడవుతాయి. కిండర్‌గార్టెన్ విద్యార్థులకు వేసవి సెలవులు జూన్ 12న ప్రారంభమవుతాయి. ప్రైమరీ అలాగే ఇంటర్మీడియట్ స్కూళ్ళకు జులై 5న, సెకెండరీ స్కూళ్ళకు జులై 10న వేసవి సెలవులు ప్రారంభమవుతాయి.