కువైట్: కరోనా వ్యాప్తి నియంత్రణలో ఉన్నందున రమదాన్‌ మాసంలో పూర్తి స్థాయిలో కార్యకలాపాలు మొదలవుతాయని ఆరోగ్య మంత్రిత్వ శాఖ తెలిపింది.  పవిత్ర రమదాన్ మాసం కోసం అన్ని కార్యకలాపాలను పూర్తి స్థాయిలో తిరిగి ప్రారంభించనున్నట్లు ప్రజారోగ్య వ్యవహారాల మంత్రిత్వ శాఖ యొక్క అండర్ సెక్రటరీ డాక్టర్ బుతైనా అల్-ముదాఫ్ చెప్పారు. కరోనా వైరస్ చివరి వేవ్‌ను అధిగమించడం కోసం అందరూ నియంత్రణ చర్యలను పాటించాలని కోరారు. అన్ని గవర్నరేట్‌లలో ఆరోగ్య బృందాలు తమ ప్రయత్నాలను కొనసాగిస్తున్నాయని డాక్టర్ అల్-ముదాఫ్ అన్నారు. రమదాన్‌తో సహా పూర్తిగా నెలంతా కార్యకలాపాలను తిరిగి అనుమతించడంతో అందరూ సుఖ సంతోషాలతో, జాగ్రత్తల నడుమ ఇఫ్తార్లు, పర్వదినాన్ని జరుపుకోవాలని ఆకాంక్షించారు.