మస్కట్: సిటిజన్-రెసిడెంట్స్ లకు సదుపాయాలను మెరుగుపరిచే ప్రయత్నాలలో భాగంగా ఖౌలా హాస్పిటల్‌లో మరో 281 కార్ల కోసం పార్కింగ్ ప్రాజెక్ట్ ను మస్కట్ మునిసిపాలిటీ నిర్మించింది. మస్కట్ మునిసిపాలిటీ, ఆరోగ్య మంత్రిత్వ శాఖ సహకారంతో ఖౌలా హాస్పిటల్‌లో కొత్త పార్కింగ్ సదుపాయాన్ని ఏర్పాటు చేశారు. దీంతో ఆసుపత్రిలో మొత్తం పార్కింగ్ స్పాట్‌ల సంఖ్య 899 కి చేరిందని మంత్రిత్వ శాఖ చెప్పింది. ఆసుపత్రికి వచ్చే వారి కార్లకు సరిపడా పార్కింగ్ సౌకర్యం లేక, అడ్డదిడ్డంగా కార్లను పార్కింగ్ చేయడంతో తరచుగా రద్దీ ఏర్పడుతోంది. ఈ నేపథ్యంలో కొత్త పార్కింగ్ స్థలాన్ని అందుబాటులోకి తీసుకొచ్చినట్లు మస్కట్ మునిసిపాలిటీ అధికారులు తెలిపారు.