యూఏఈ: అజ్మాన్‌లోని అల్ జుర్ఫ్ ఇండస్ట్రియల్ ఏరియా 2లోని రెండు డీజిల్ కంపెనీలకు చెందిన వాహనాల్లో గురువారం తెల్లవారుజామున అగ్నిప్రమాదం చోటు చేసుకుంది.సమాచారం అందుకన్న అజ్మాన్ సివిల్ డిఫెన్స్ బృందాలు..అజ్మాన్ పోలీసుల సహకారంతో మంటను ఆర్పివేశాయి.ఈ ప్రమాదంలో ఎటువంటి మానవ ప్రాణనష్టం జరగలేదు. కానీ 10 డీజిల్ ట్రక్కులు, ట్రైలర్‌లు దగ్ధమయ్యాయి.అజ్మాన్ సివిల్ డిఫెన్స్ డైరెక్టర్ జనరల్ కల్నల్ రేద్ ఒబైద్ అల్ జాబీ మాట్లాడుతూ..  అజ్మాన్ పోలీసుల సహకారంతో అడ్మినిస్ట్రేషన్ సెంటర్ అండ్ అల్ జార్ఫ్ సెంటర్‌కు చెందిన అగ్నిమాపక బృందాలు మంటలు వ్యాపించకుండా సకాలంలో మంటలను అదుపు చేశాయన్నారు. అర్ధరాత్రి దాటిన ప్రమాదం జరిగిందని, కేవలం ఒక గంటలోపు మంటలను పూర్తిగా నియంత్రించామన్నారు.అగ్నిప్రమాదానికి గల కారణాలను తెలుసుకోవడానికి విచారణ కొనసాగుతుందని అల్-జాబీ తెలిపారు.అగ్నిమాపక నిరోధక పరిస్థితులకు కట్టుబడి, అన్ని అగ్నిమాపక భద్రతా చర్యలు తీసుకోవాలని యజమానులకు ఆయన పిలుపునిచ్చారు.