యూఏఈ: రష్యా - ఉక్రెయిన్ యుద్ధం నేపథ్యంలో ఉక్రెయిన్ నుంచి వెళ్ళిపోతున్న యుద్ధ బాధితులను ఆదుకునేందుకోసం దుబాయ్, షార్జా నుంచి రెండు విమానాల్లో సహాయ సామాగ్రిని పంపుతున్నారు. ఈ మేరకు వైస్ ప్రెసిడెంట్, దుబాయ్ రూలర్ షేక్ మొహమ్మద్ బిన్ రషీద్ ఆదేశాలు జారీ చేశారు. 85,000 మందికి సరిపడా సహాయ సామాగ్రినిపంపిస్తున్నారు. పోలాండ్‌లోని వార్సాకి ఈ విమానాల్లో సహాయ సామాగ్రి వెళుతుంది. మార్చి 7న పంపించిన సహాయ సామాగ్రికి ఇది అదనం. రష్యా - ఉక్రెయిన్ మధ్య శాంతి నెలకొనాలని యూఏఈ ఆకాంక్షిస్తోంది.