బహ్రెయిన్: హై క్రిమినల్ కోర్టు ఓ బహ్రెయినీ వ్యక్తికి 15 ఏళ్ళ జైలు శిక్ష విధించింది. నిందితుడు తన ఇంటి వద్ద అక్రమంగా గంజాయి సాగు చేస్తున్నట్లు అతనిపై అభియోగాలు మోపబడ్డాయి. అయితే తాను కేవలం కూరగాయలు, పండ్లకు సంబంధించిన విత్తనాల్ని మాత్రమే నాటినట్లు కోర్టు ముందు తన వాదనను వినిపించాడు నిందితుడు. బహ్రెయిన్‌లో పలు చోట్ల డ్రగ్స్ విక్రయాలకు సంబంధించి విచారణ సందర్భంగా నిందితుడి గంజాయి సాగు గురించి సమాచారం అందడంతో పోలీసులు ఆ దిశగా మరింత లోతైన విచారణ చేసి అతన్ని అదుపులోకి తీసుకున్నారు. సెర్చ్ వారెంట్ ద్వారా నిందితుడి గుట్టు బయటపెట్టారు పోలీసులు. పెద్ద మొత్తంలో డ్రగ్స్‌ని నిందితుడి ఇంటి నుంచి స్వాధీనం చేసుకున్నారు అధికారులు.