బహ్రెయిన్: బహ్రెయినీ అనాధలకు సాయం చేసేందుకోసం రాయల్ హ్యుమానిటేరియన్ ఫౌండేషన్‌కి మద్దతుగా లులు గ్రూప్ కార్పొరేట్ సోషల్ రెస్పాన్సిబిలిటీ (కార్పొరేట్ సామాజిక బాధ్యత) సీఎస్ఆర్ క్యాంపెయిన్ ప్రారంభించింది. రాయల్ హ్యుమానిటేరియన్ ఫౌండేషన్ ఛైర్మన్ షేక్ నాజర్ బిన్ హమాద్ అల్ ఖలీఫా నేతృత్వంలో క్యాంపెయిన్ ప్రారంభించారు. పవిత్ర రమదాన్ మాసంలో ఈ కార్యక్రమాన్ని చేపడతారు. ఈ స్పెషల్ ప్రాజెక్టు కింద ప్రతి కొనుగోలుదారుడు లులు హైపర్ మార్కెట్ వద్ద తమకు తోచిన మొత్తాన్ని సాయం చేయవచ్చు. ఈ మొత్తం అనాధల కోసం వినియోగిస్తారు. పవిత్ర రమదాన్ మాసంలో పేదలకు, మరీ ముఖ్యంగా అనాధలకు ఈ తరహా సేవా కార్యక్రమాలు ఎంతగానో ఉపయోగపడతాయి.