యూఏఈ: ఆఫీసుకి వెళ్ళే సమయాన్ని పని గంటల్లో చేర్చడానికి సంబంధించి మూడు ప్రత్యేక సందర్భాల్ని యూఏఈ కొత్త లేబర్ చట్టం పేర్కొంది. వాతావరణం సరిగ్గా లేకపోవడం.దీనికి సంబంధించి నేషనల్ సెంటర్ ఆఫ్ మిటియరాలజీ వాతావరణ హెచ్చరికలు జారీ చేసి వుండాలి.యజమాని అందించే రవాణా సాధనం బ్రేక్ డౌన్ అయినప్పుడు లేదా ప్రమాదం జరిగినప్పుడు.యజమాని అలాగే ఉద్యోగి ఓ అవగాహనకు వచ్చి పని సమయాన్ని, ప్రయాణ సమయాన్నీ నిర్ణయించుకున్నప్పుడు. చాలామంది తక్కువ పనితనం వున్న కార్మికులు యజమానులు ఏర్పాటు చేసే రవాణా సాధనాల్లో ప్రయాణిస్తుంటారని ఈ నేపథ్యంలో వారికి ఈ కొత్త విధానం ద్వారా ప్రత్యేక వెసులుబాట్లు కలుగుతాయని అథారిటీస్ చెబుతున్నాయి. కాగా, అదనపు పని సమయాన్ని రెండు గంటలకు మించకుండా చూసుకోవాల్సిన బాధ్యత యజమానిదే. అయితే, ప్రత్యేకమైన పరిస్థితుల్లో.. అంటే ప్రమాదాలు సంభవించినప్పుడు వెసులుబాటు కల్పిస్తారు.