ఖతార్: అందరూ ఎంతో ఆసక్తిగా ఎదురుచూస్తున్న FIFA ఖతార్ ప్రపంచ కప్ ఫుట్ బాల్ 2022 గ్రూప్ లు, షెడ్యూల్ ను నిర్వాహకులు వెల్లడించారు.  ఖతార్‌లో కిక్-ఆఫ్‌కు 233 రోజుల కౌంట్‌డౌన్ ప్రారంభమైంది.  మొత్తం 32 టీమ్స్ 8 గ్రూపుల్లో పోటీ పడనున్నాయి. ఇప్పటికే 29 జట్లు ఫైనల్ కాగా.. ఇంకా మూడు జట్లు  జూన్‌లో జరిగే ప్లేఆఫ్స్ తర్వాత ఖరారు అవుతాయని  ఫిఫా పేర్కొంది. గ్రూప్ Bలో ఇంగ్లాండ్, ఇరాన్‌లతో  అమెరికా తలపడుతుండగా.. ప్రపంచ కప్ విజేతలు  స్పెయిన్‌, జర్మనీలు గ్రూప్ Eలో పోటీ పడనున్నాయి. మొదటిసారిగా అభిమానులు, మీడియా యొక్క ప్రయోజనం, సౌలభ్యం కోసం నిర్దిష్ట మ్యాచ్ వివరాలను ఆప్టిమైజ్ చేయడానికి గేమ్‌లు జరిగే స్టేడియాలు, కిక్-ఆఫ్ సమయాన్ని FIFA.comలో లైవ్ అప్డేట్ తోపాటు ప్రతి మ్యాచ్ జరిగే వెన్యూ, సమయం, ప్రయాణించే మార్గాలను ఇలా అన్ని వివరాలను ప్రతిరోజు లైవ్ అప్డేట్ చేయనున్నారు.