మస్కట్: COVID-19 మహమ్మారి కారణంగా 2020, 2021లో ఒమన్‌లో 300,000 మంది కార్మికులు తమ ఉద్యోగాలను కోల్పోయారని ఆర్థిక మంత్రి డాక్టర్ సయీద్ అల్ సక్రీ తెలిపారు. ఉద్యోగాలు కోల్పోయిన వారిలో అత్యధికంగా 292,500 మంది ప్రవాసులు ఉన్నారని ఒమన్ టీవీకి ఇచ్చిన ఇంటర్వ్యూలో ఆర్థిక మంత్రి తెలిపారు. అయితే ఇది ప్రైవేట్ రంగ పనితీరుకు కొలమానం కాదని.. మహమ్మారి, తక్కువ డిమాండ్, ఆర్థిక మాంద్యం, ఇతర కారణాల వల్ల సుమారు 300,000 మంది కార్మికులు తమ ఉద్యోగాలు కోల్పోయారని ఆయన వివరించారు. ఇందులో దాదాపు 7,500 మంది ఒమానీలు కూడా ఉన్నారన్నారు.