మనామా: ఓ బ్రహెయినీ మహిళా వ్యాపారవేత్తపై నమోదైన అవినీతి కేసులో ఆమెకు కింది న్యాయస్థానం విధించిన జైలు శిక్షను అప్పీల్స్ కోర్టు సమర్థించింది. సదరు మహిళకు 16,000 బహ్రెయినీ దినార్లు జరీమానా కూడా విధించడం జరిగింది. 60 మిలియన్ దినార్లకు సంబంధించిన వ్యవహారంలో 16,000 బహ్రెయినీ దినార్లను లంచంగా ఇవ్వజూపారన్న అభియోగం నిందితురాలిపై మోపబడింది. ఓ ఉద్యోగి ద్వారా ఈ అవినీతికి నిందితురాలు తెరలేపింది. సదరు ఉద్యోగి భార్యకు లంచం మొత్తం అందినట్లు విచారణలో తేలింది. ఆ ఉద్యోగికి 10 ఏళ్ళ జైలు శిక్ష విధించింది న్యాయస్థానం.