రష్యాలోని టామ్స్క్‌ ప్రాంతంలో నివాసగృహంలో సంభవించిన అగ్నిప్రమాదంలో 8 మంది సజీవదహనం అయ్యారు. ఆదివారం రాత్రి ఇంట్లో అందరూ పడుకున్న సమయంలో మంటలు చెలరేగి ఒక్కసారిగా మంటలు వేగంగా వ్యాపించడంతో ఈ ప్రమాదం జరిగింది. దీంతో లోపల ఉన్నవారంగా బయటకు వచ్చే మార్గం లేక మృత్యువాతపడ్డారు. మృతుల్లో ముగ్గురు మహిళలు, ముగ్గురు చిన్నారులు ఉన్నారు. ఘటనాస్థలంలో ఏడుగురు చనిపోగా... ఓ చిన్నారి ఆస్పత్రిలో చికిత్స పొందుతూ కన్నుమూసింది. మృతుల్లో ఏడుగురు ఒకే కుటుంబానికి చెందిన వారు కాగా... మరొకరు అతిథి అని స్థానిక అధికారులు తెలిపారు. ప్రమాదానికి గల కారణాలపై విచారణ కమిటీ వేసి దర్యాప్తు చేపట్టినట్లు అధికారులు వెల్లడించారు.