అబుదాబీ: ఓ మహిళ సంయమనం కోల్పోయి అభ్యంతరకరంగా ప్రవర్తించడంతో ఆమెను అరెస్టు చేయాల్సిందిగా పబ్లిక్ ప్రాసిక్యూషన్ ఆదేశించడం జరిగింది. హోటల్ లాబీల్లో సదరు మహిళ బిగ్గరగా అరవడం, అసభ్యకరంగా ప్రవర్తించడం, మహిళా అధికారులపై దాడి చేసేందుకు యత్నించడం అలాగే దేశానికి వ్యతిరేకంగా వ్యాఖ్యలు చేయడం వంటివి చేసిందని విచారణలో తేలింది. హోటల్‌కి వచ్చీ రావడంతోనే ఆ మహిళ వింతగా ప్రవర్తించిందని హోటల్ నిర్వాహకులు పేర్కొన్నారు. ఆమె ప్రవర్తన పట్ల విసుగు చెంది పోలీసులకు సమాచారమిచ్చారు. పోలీసులు అక్కడికి చేరుకోగా, వారిపైనా దాడికి ఆమె యత్నించింది. ఓ కోల్డ్ వెపన్ అలాగే 15 మొబైల్ ఫోన్లు, సర్వైలెన్స్ కెమెరాలు, ల్యాప్‌టాప్‌లో ఆమె వద్ద స్వాధీనం చేసుకున్నారు.