మస్కట్: రాయల్ ఒమన్ పోలీస్, ఒమనీ బ్యాంకింగ్ చట్టాన్ని ఉల్లంఘించడంతో ఒకర్ని అరెస్టు చేయడం జరిగింది. డైరెక్టరేట్ జనరల్ ఆఫ్ ఇంక్వైరీస్ మరియు క్రిమినల్ ఇన్వెస్టిగేషన్ వెల్లడించిన వివరాల ప్రకారం, నిందితుడు అనుమానిత మెటల్ బ్యాంక్ కార్డుల్ని నిందితుడు వినియోగిస్తున్నట్టు తెలుస్తోంది. ఈ మేరకు డిపార్టుమెంట్ ఫర్ కంబాటింగ్ ఎకనమిక్ క్రైమ్స్ తమకు అందిన ఫిర్యాదు మేరకు విచారణ ప్రారంభించారు. నిందితుడ్ని గుర్తించి, పట్టుకున్నారు. సోషల్ మీడియా ద్వారా ప్రకటన ఇచ్చి నిందితుడు సాధారణ కార్డుల్ని ప్రత్యేకమైన సాంకేతిక వున్న కార్డులతో మార్చుతున్నట్లు పేర్కొన్నాడనీ, పలువుర్ని మోసం చేసేందుకు ప్రయత్నించాడని పోలీసులు పేర్కొన్నారు. ఈ తరహా మోసాలకు పాల్పడేవారు, ఒరిజినల్ కార్డుల్లోని డేటాని, డూప్లికేట్ కార్డుల్లోకి మార్చి దోచుకుంటుంటారని అధికారులు వివరించారు.