బహ్రెయిన్‌లో ఓ ఇండియన్‌ హౌస్‌మెయిడ్‌, హ్యాండ్‌ బ్యాగ్‌ దొంగని ధైర్యంగా ఎదిరించిన ఘటన చోటుచేసుకుంది. ఆదివారం రాత్రి జింజ్‌లో ఈ ఘటన చోటుచేసుకుంది. కేరళలోని కొల్లాంకి చెందిన లైలా, రోడ్డుపై వెళుతుండగా ఓ వ్యక్తి ఆమెను అటకాయించే ప్రయత్నం చేశాడు. మొదట బస్‌ స్టాప్‌ గురించి అడిగాడనీ, ఆ తర్వాత తన బ్యాగ్‌ని దొంగిలించేందుకు ప్రయత్నించాడని ఆమె తెలిపింది. ఈలోగా దూరంగా ఓ వ్యక్తి వస్తున్న జాడ కనిపించడంతో ఆ దొంగ పారిపోవడానికి ప్రయత్నించగానే, అక్కడే ఉన్న రాయిని తీసుకుని అతనిపైకి విసరగా, దొంగ అక్కడే కిందపడిపోయాడని, వెంటనే అతన్ని పట్టుకున్నానని, అయితే ఇదంతా చూస్తూ ఎవరూ ముందుకు రాలేదని లైలా చెప్పారు. నాలుగేళ్ళ క్రితం బహ్రెయిన్‌కి వచ్చారు లైలా, ఆమె భర్తతో కలిసి. వీరికి ముగ్గురు పిల్లలున్నారు.