దుబాయ్: టాక్సీలో ప్రయాణికుడు మరచిపోయిన హ్యాండ్ బ్యాగ్ ను నిజాయితీగా తిరిగిచ్చిన దుబాయ్ టాక్సీ డ్రైవర్ అబ్దుల్‌రహీమ్ మ్జోమిడియర్ రాజీఫ్‌ను అల్ ఖుసైస్ పోలీస్ స్టేషన్ సిబ్బంది సన్మానించారు. ప్రయాణికుడు మరచిపోయిన హ్యాండ్ బ్యాగ్ లో నగదుతోపాటు విలువైన పత్రాలు, పాస్ పోర్ట్ ఉన్నాయి.ఈ సందర్భంగా బెంగాలీ డ్రైవర్‌ అబ్దుల్‌రహీమ్ మ్జోమిడియర్ రాజీఫ్‌ నిజాయితీని అల్ ఖుసైస్ పోలీస్ స్టేషన్ డైరెక్టర్ బ్రిగేడియర్ అబ్దుల్హలీమ్ ముహమ్మద్ అహ్మద్ అల్ హషిమి ప్రశసించారు. పోలీసుల తరపున కృతజ్ఞతలు తెలిపారు. అనంతరం రాజీఫ్ మాట్లాడుతూ.. దుబాయ్ పోలీసులకు కృతజ్ఞతలు తెలిపారు. దొరికిన విలువైన వస్తువులను వాటి యజమానులకు తిరిగి ఇవ్వడం లేదా సమీపంలోని పోలీసు స్టేషన్‌లకు అప్పగించడం ప్రతి ఒక్కరి విధి అని అన్నారు.