బహ్రెయిన్: ఇప్పటివరకు హెపటైటిస్ కు సంబంధించి ఎటువంటి కేసులు నమోదు కాలేదని బహ్రెయిన్ ఆరోగ్య మంత్రిత్వ శాఖ తెలిపింది. యూరప్, ఉత్తర అమెరికాలో 16 ఏళ్లలోపు పిల్లలలో హెపటైటిస్ వ్యాప్తి భయాందోళనలు కలిగిస్తోన్న సంగతి తెలిసిందే. ప్రపంచ ఆరోగ్య సంస్థ (డబ్ల్యూహెచ్‌ఓ) అధికారులతో నిరంతరం టచ్‌లో ఉన్నామని ఆరోగ్య మంత్రిత్వ శాఖ పేర్కొంది. యూరప్, యుఎస్‌లో హెపటైటిస్ వ్యాప్తికి సంబంధించి అందుబాటులో ఉన్న సమాచారాన్ని శిశువైద్యులు, అంటు వ్యాధి నిపుణులు, ఇతర వైద్య నిపుణులతో పంచుకున్నట్లు మంత్రిత్వ శాఖ తెలిపింది.