మనామా: బహ్రెయిన్‌లో 38ఏళ్ల భారతీయ మహిళ ఆత్మహత్య చేసుకుని ప్రాణాలు విడిచింది. భర్తతో కలిసి ఓ అపార్టు‌మెంటులో నివసిస్తున్న ఆమె.. తొమ్మిదవ ఫ్లోర్ నుంచి దూకి ఆత్మహత్యకు పాల్పడినట్టు స్థానిక అధికారులు చెబుతున్నారు. ఆమె ఆత్మహత్యకు కారణం భర్తతో జరిగిన గొడవేనని పోలీసులు భావిస్తున్నారు. కాగా.. మహిళ మృతదేహాన్ని పోస్ట్‌మార్టం నిమిత్తం ఆసుపత్రికి తరలించిన అధికారులు.. కేసు నమోదు చేసుకుని దర్యాప్తు ప్రారంభించారు. ఆత్మహత్యకు పాల్పడిన మహిళ‌కు సంబంధించిన పూర్తి వివరాలు ఇంకా తెలియరాలేదు.