మస్కట్: ఈ సంవత్సరం మొత్తం 23,474 మంది హజ్ కోసం దరఖాస్తు చేసుకున్నారు. ఇందులో ఒమానీల నుండి 21,429 దరఖాస్తులు రాగా.. నివాసితుల నుండి 2,045 దరఖాస్తులు వచ్చాయి. ఈ ఏడాది సుల్తానేట్‌కు మంజూరు చేసిన 6,388 కోటాకు ఇది దాదాపు నాలుగు రెట్లు అధికం కావడం విశేషం. దఖ్లియా గవర్నరేట్‌లో అత్యధికంగా 4,008 దరఖాస్తులు రాగా, ముసందమ్ గవర్నరేట్‌లో అత్యల్పంగా 191 దరఖాస్తులు వచ్చాయి. మొత్తం దరఖాస్తుదారులలో 14,037 మంది పురుషులు, 9,437 మంది మహిళలు ఉన్నారు. ఈ-రిజిస్ట్రేషన్ మే 9న ప్రారంభమై మే 14న ముగిసింది. కొనసాగుతున్న COVID-19 మహమ్మారి కారణంగా ఈ సంవత్సరం హజ్ కోసం సుల్తానేట్ కోటాను 45 శాతం తగ్గించినట్లు అవ్కాఫ్, మతపరమైన వ్యవహారాల మంత్రిత్వ శాఖ ప్రకటించింది.