దుబాయ్‌ ఎకనమిక్‌ డెవలప్‌మెంట్‌ డిపార్ట్‌మెంట్‌ (డిఇడి) ఇంటలెక్చువల్‌ ప్రాపర్టీ ప్రొటెక్షన్‌ సెక్షన్‌ సోమవారం 47000 నకిలీ మొబైల్‌ ఫోన్లు, 99,000 మొబైల్‌ ఫోన్‌ ఛార్జర్లను స్వాధీనం చేసుకున్నారు. 110,000 బ్యాటరీలు కూడా పోలీసులకు దొరికాయి. వీటి మొత్తం విలువ 10 మిలియన్‌ దిర్హామ్‌లు ఉంటుందని అంచనా వేశారు. ఓ హోటల్‌ అపార్ట్‌మెంట్‌లో వీటిని తయారు చేశారనీ, అది రీ ప్యాకేజింగ్‌ సెంటర్‌గా అనుమానిస్తున్నట్లు అధికారులు వెల్లడించారు. ఓ హోటల్‌ నుంచి నకిలీ వస్తువుల్ని స్వాధీనం చేసుకోవడం ఇదే రతొలిసారి అని అధికారులు చెప్పారు. ఇంటలెక్చువల్‌ ప్రాపర్టీ రైట్స్‌ డిపార్ట్‌మెంట్‌ డైరెక్టర్‌ ఇబ్రహీమ్‌ బెహ్‌జాద్‌ మాట్లాడుతూ, నిబంధనల్ని ఉల్లంఘించి ఆ హోటల్‌ కమర్షియల్‌ ఫ్రాడ్‌కి తెరలేపిందని అన్నారు. నకిలీ వస్తువుల పట్ల ప్రజలు అప్రమత్తంగా ఉండాలని ఆయన చెప్పారు.