ఇద్దరు పాకిస్తానీ వ్యక్తులకు హై క్రిమినల్‌ కోర్ట్‌ జీవిత ఖైదు విధించింది. డ్రగ్స్ర్‌ స్మగ్లింగ్‌ చూస్తూ బహ్రెయిన్‌ ఇంటర్నేషనల్‌ ఎయిర్‌ పోర్ట్‌లో మొదటి వ్యక్తి పోలీసులకు చిక్కాడు. 944.3 గ్రాముల హెరాయిన్‌ని అతని నుంచి స్వాధీనం చేసుకున్నారు. పాకిస్తాన్‌కి చెందిన ఓ వ్యక్తి నుంచి ఈ హెరాయిన్‌ని నిందితుడు తెచ్చినట్లు గుర్తించారు. 3,600 బహ్రెయినీ దినార్స్‌కి హెరాయిన్‌ని మార్చాలనుకున్నాడు ఆ వ్యక్తి. రెండో వ్యక్తికి సంబంధించి పోలీసులు స్టింగ్‌ ఆపరేషన్‌ నిర్వహించారు. రెడ్‌ హ్యాండెడ్‌గా ఆ వ్యక్తిని పోలీసులు పట్టుకున్నారు. పాకిస్తానీ సంప్రదాయ దుస్తుల్లో ఓ పోలీస్‌ అధికారి సదరు నిందితుడి వద్దకు వెళ్ళి, అతన్ని అదుపులోకి తీసుకున్నారు. వీరిద్దరికీ జీవిత ఖైదు (అంటే 25 ఏళ్ళు) విధింపబడ్డారు.