మస్కట్: వేసవి సెలవుల కోసం ఒమన్ నుండి బయటికి వెళ్లే వ్యక్తులతో విమానాశ్రయాల్లో రద్దీ నెలకొంది. ఈ నేపథ్యంలో తమ విమాన సమయానికి ముందుగానే ఎయిర్ పోర్టుల్లోకి రావాలని ఎయిర్ పోర్ట్ అథారిటీ ప్రయాణికులకు సూచించింది. ట్రావెల్ ఏజెంట్లు, ఎయిర్‌లైన్ ఉన్నతాధికారులు ముందుగానే విమానాశ్రయాలకు చేరుకోవాలని, తద్వారా పొడవైన క్యూలు, రద్దీని నివారించవచ్చని పేర్కొంది. వేసవి సెలవులు నేపథ్యంలో విమానాలకు మరింత డిమాండ్‌ ఉందని పాకిస్తాన్ ఇంటర్నేషనల్ ఎయిర్‌లైన్స్ కంట్రీ మేనేజర్ మహ్మద్ ఆరిఫ్ చెప్పారు. మహమ్మారికి ముందు ఒమన్‌కు తొమ్మిది విమానాలు నడిచేవని, ప్రస్తుతం 20కి పైగా విమానాలు నడుస్తున్నాయన్నారు.