బహ్రెయిన్: సనద్‌లోని ఏటీఎం వద్ద 39 ఏళ్ల బహ్రెయిన్ జాతీయుడిపై దాడి చేసి నగదు దోచుకున్న 22 ఏళ్ల ఆఫ్రికన్ జాతీయుడిని పోలీసులు అరెస్టు చేశారు. నిందితుడు నేరానికి ఉపయోగించిన ఆయుధాన్ని కూడా పోలీసులు స్వాధీనం చేసుకున్నారని జనరల్ డిపార్ట్‌మెంట్ ఆఫ్ ఇన్వెస్టిగేషన్ అండ్ క్రిమినల్ ఎవిడెన్స్ తెలిపింది. ఈ ఘటనలో ఉన్న రెండో నిందితుడి కోసం కూడా గాలిస్తున్నట్లు అధికారులు తెలిపారు. సోషల్ మీడియా ప్లాట్‌ఫారమ్‌లలో దాడికి సంబంధించిన వీడియో వైరల్ అవ్వడంతో.. క్యాపిటల్ గవర్నరేట్ పోలీస్ డైరెక్టరేట్ దర్యాప్తును ప్రారంభించింది. ఆ వీడియోలో ఏటీఎంలో ఓ వ్యక్తితో బలవంతంగా నగదు డ్రా చేయించి తీసుకోవడం, ఆ తర్వాత అక్కడినుంచి వారు పరారు కావడం కన్పించింది.