దోహా: అల్ వక్రా మెయిన్ రోడ్ ప్రాజెక్ట్ లో భాగంగా గ్యాంట్రీని ఇన్‌స్టాల్ చేయడానికి అల్ వక్రా టన్నెల్, అల్ వక్రా ఇంటర్‌సెక్షన్‌తో సహా అల్ వక్రా వైపు రహదారి మూసివేయనున్నట్లు పబ్లిక్ వర్క్స్ అథారిటీ అష్ఘల్ తెలిపింది. ఈ మేరకు అష్ఘల్ ట్వీట్ చేసింది. జూలై 1, 2022 (శుక్రవారం) ఉదయం 2 నుండి ఉదయం 10 గంటల వరకు ఎనిమిది గంటలపాటు రహదారి మూసివేత ఆదేశాలు అమలులో ఉంటాయని స్పష్టం చేసింది. ఈ సమయంలో ట్రాఫిక్‌ను అల్ వక్రా న్యూ రోడ్డు మీదుగా మళ్లిస్తారని పేర్కొన్నారు. దోహా నుండి అల్ వక్రా వైపు వచ్చే వాహనదారులు బార్వా విలేజ్ వైపు కుడివైపుకు తిరిగి, ఆపై అల్ వక్రా కొత్త రహదారిపై ఎడమవైపుకు తిరిగి, వారి గమ్యస్థానాలకు చేరుకోవాలని అష్ఘల్ సూచించింది.