దుబాయ్: ఎమెర్జెన్సీ లైట్లను వాడటం పై నగర పౌరులను మరియు వాహన చోదకులను దుబాయ్ ట్రాఫిక్ పోలీసులు హెచ్చరించారు. పోలిస్ ఎమెర్జెన్సీ లైట్లను పెట్టుకొని రెండు కార్లు రోడ్ల మీద నిర్లక్ష్యంగా డ్రైవ్ చేయడం గమనించిన ట్రాఫిక్ పోలీసులు ఈ హెచ్చరిక జారీ చేయడం జరిగింది. 

ట్రాఫిక్ డిపార్ట్మెంట్ అధిపతిగా వ్యవహరిస్తున్న కల్నల్ జుమా బిన్ సువైదాన్ మాట్లాడుతూ పౌరుల భద్రతకు సంబంధించిన ఈ వ్యవహారంలో వాహన చోదకులు నిర్లక్ష్యంగా వ్యవహరిస్తే చట్టపరమైన చర్యలు తీసుకుంటామని తెలుపుతూనే ఈ చర్యలు చేపట్టకుండా ఉండాలంటే ట్రాఫిక్ చట్టాలను అతిక్రమణ చేయకూడదని పేర్కొన్నారు. 

ట్రాఫిక్ చట్టాలను ఉల్లంఘించి అనుమతి లేకుండా ఎమెర్జెన్సీ లైట్లను పెట్టుకొని రోడ్ల పై నిర్లక్ష్యంగా నడిపిన ఆ రెండు కార్లు యాజమానుల పై చర్యల గురించి మాట్లాడుతూ ఆ రెండు కార్లలో ఒకటి ఏమిరెట్స్ రోడ్డులో ,మరొకటి షేక్ మొహమ్మద్ బిన్ జయేద్ రోడ్డు లో మా సిబ్బంది గమనించారు. వారి మీద శాఖాపరంగా కఠినమైన చర్యలు తీసుకోబోతున్నామని పేర్కొన్నారు.