అబుధాబి: ఈద్ అల్ అధా సందర్భంగా  జైళ్లలో శిక్షను అనుభవిస్తున్న 737 మంది ఖైదీలు విడుదల కాబోతున్నారు.యూఏఈ అధ్యక్షుడు షేక్ మొహమ్మద్ బిన్ జాయేద్ అల్ నహ్యాన్ ఆదేశాల మేరకు 737 మంది ఖైదీలకు క్షమాభిక్ష ప్రసాదించినట్లు  పోలీస్ అధికారులు వెల్లడించారు.'ఈద్ అల్ అధా'తో పాటు ఖైదీల కుటుంబ పరిస్థితుల దృష్ట్యా వారికి విముక్తి కల్పించినట్లు అధికారులు వెల్లడించారు.వివిధ నేరాలు చేసి అక్కడి జైళ్లలో శిక్షను అనుభవిస్తున్న వారిలో కొందరికి క్షమాభిక్ష ప్రసాదించాలని షేక్ మొహమ్మద్ ఆదేశాల మేరకు వారిని విడుదల చేస్తున్నమన్నారు.