మొదటి మహిళ "ముర్ము"
భారతావని ఒడిలో జననం
ఆదిమవాసిలో మెరిసిన హిమం 
వికసించిన సుగంధ *భరిత* కుసుమం 
మమతానురాగాల మాధుర్యం 

బాధలను మరిపించి మురిపించే అతివ
సవాళ్ళను *ఎదురొడ్డిన* నారీమణి 
అత్యంత పేదరికం - విషాధభరిత జీవితం 
గర్భశోకాన్ని తట్టుకొన్న ఓ సాధ్వి *మణి* 

కన్నీళ్ళని దాచుకొని - చిరునవ్వులు చిందిస్తు  
ఆత్మవిశ్వాసమే అలంకరణగా
చీకటి గూళ్ళలో వెలుగులు నింపిన
పలు బాధ్యతలు నిర్వహించిన 
బంధాలలో అల్లుకుపోయిన *మల్లికామణి*

ఏ ఆటంకం ఎదురైనా చెదరక బెదరక 
ఆశయసాధనలో తన వారి కోసం-
అలుపెరగని శ్రామిక శక్తి *శిరోమణి* 
గిరిప్రపంచ *తారామణి*
అవిశ్రాంత మోర్చ *అధ్యక్షమణి* 

ప్రజాస్వామ్యం లో రాష్ట్రపతి పీఠం 
అధిరోహించిన నేటి ద్రౌపది మహిళామణి
అంచెలంచెలుగా ఎదిగిన యోధ *శిఖామణి* 
నింగిలోనైనా నేలలోనైనా ఓ మగువ
నీకు ఎవరులేరు సాటి - ఇక నీవే మమ్మునడిపే  *సారథీమణి*.

--యామినీ కోళ్లూరు, అబుదాభి