చందమామ కాజల్ అగర్వాల్ ఇకపై సినిమాల్లో నటించదంటూ ప్రచారం జరిగింది. కరోనా టైమ్‌లో పెళ్లి చేసుకున్న కాజల్ అగర్వాల్, ఆ తర్వాత ప్రెగ్నెంట్ అయ్యి ఓ బిడ్డకు జన్మనిచ్చింది కూడా. మాతృత్వపు ఆనందాన్ని ఆస్వాదించి ఇక, ఇప్పుడే కాస్త ఖాళీ అయ్యింది. 
అయితే, తానింక సినిమాలకు బ్రేక్ ఇచ్చేసినట్లే.. అంటూ అంటూ ఈ మధ్య జోరుగా జరిగిన ప్రచారాలకు చెక్ చెప్పేస్తూ, నేను వచ్చేస్తున్నా.. అంటూ కాజల్ సోషల్ మీడియా ద్వారా ఓ అనౌన్స్‌మెంట్ ఇచ్చేసింది.

సెప్టెంబర్ నుంచి షూటింగులకు హాజరవుతున్నా.. అంటూ కాజల్ సంకేతాలు పంపించింది. కాజల్ చేతిలో ప్రస్తుతం వున్న సినిమా అంటే, ‘భారతీయుడు 2’ ఒక్కటే. ఆ సినిమా షూటింగులోనే పాల్గొనబోతున్నా అని కాజల్ స్వయంగా చెప్పింది. 
పెళ్లయ్యి బిడ్డకు జన్మనిచ్చినా కాజల్‌ ఫిజిక్‌లో ఏ మాత్రం మార్పు రాలేదు. మునుపటిలానే చందమామలా మెరిసిపోతోంది. సో, కాజల్ ఓకే చేయాలే కానీ, సీనియర్ హీరోల సరసన హీరోయిన్‌గా అవకాశాలు రావడం పక్కా. చూడాలి మరి, సెకండ్ ఇన్నింగ్స్‌లో కాజల్ ఎలాంటి అవకాశాలు దక్కించుకోనుందో.