‘ఉప్పెన’ సినిమాతో బేబమ్మగా పేరు తెచ్చుకున్న ముద్దుగుమ్మ కృతి శెట్టి. తొలి సినిమా సూపర్ హిట్‌తో పిచ్చ క్రేజ్ దక్కించుకుంది అమ్మడు. క్రేజ్‌తో పాటూ, వరుసగా అవకాశాలు కూడా దక్కించుకుంది. 
అయితే, ‘ఉప్పెన’ రేంజ్ హిట్ మాత్రం ఆ తర్వాత కృతి శెట్టి తన ఖాతాలో వేసుకోలేకపోయింది. ఏ సినిమాలో చూసినా కృతి శెట్టినే అన్నట్లుగా కనిపిస్తోంది కానీ, సక్సెస్ వుంటేనే కదా.. అసలు కిక్కు.
‘శ్యామ్ సింఘరాయ్’‌తో హిట్టు కొట్టినా ఆ హిట్ సాయి పల్లవి ఖాతాలో కొట్టుకెళ్లిపోయింది. ఆ తర్వాత ‘బంగార్రాజు’లో నటించింది. కానీ, అది కూడా ఫ్లాప్ లిస్టులోనే చేరిపోయింది. భారీ అంచనాలతో వచ్చిన ‘ది వారియర్’ కూడా కృతి శెట్టిని ఢీలాపరిచేసింది. 
ఇక తాజాగా ‘మాచర్ల నియోజకం వర్గం’తో రాబోతోంది. ఆగస్ట్ 12న ‘మాచర్ల నియోజక వర్గం’ ప్రేక్షకుల ముందుకు రానుంది. నితిన్ హీరోగా నటిస్తున్న పక్కా కమర్షియల్ మాస్ ఎంటర్‌టైనింగ్ మూవీ ఇది. హిట్టు కళ కనిపిస్తోంది. కానీ, రిలీజ్ అయితే కానీ చెప్పలేం. 
ప్రేక్షకుల ఆలోచనలు ఎలా వుంటున్నాయో చెప్పడం కష్టమైపోయిన పరిస్థితి. ఈ నేపథ్యంలో ఆడియన్స్ పల్స్‌ని పట్టడం కత్తి మీద సామే అవుతోంది దర్శకులకు. అసలే కొత్త డైరెక్టర్. ఎలా డీల్ చేశాడో తెలియాలంటే సినిమా రిలీజ్ వరకూ ఆగాల్సిందే. ఈ సినిమా కానీ, అటూ ఇటూ అయ్యిందంటే, కృతి శెట్టి కెరీర్ డైలమాలో పడిపోయినట్లే మరి.